TLDR: 唔好，冇更高嘅預期回報但波動更大
入得呢個post當你長揸五年以上先，首先你要明點解要買ETF，股票嘅風險分兩大類，compensated risk同埋uncompensated/idiosyncratic risk。
compensated risk係理論上越高就平均回報越大（雖然唔係線性關係） ，但idiosyncratic risk就唔一定會有更大平均回報。個別股就係idiosyncratic risk，可以賺好多可以蝕到仆街好似去賭場咁。要知道成個 market其實都只係靠1.X%嘅個股carry住個回報，其他股票都係<=短期國債，你自己揀股票根本好難揀中嗰1.X%股票。所以你要做嘅嘢就係移除個賭錢性質嘅idiosyncratic risk，移除方法就係分散投資，買得越多股票越好，盡量包到嗰1.X%股票，所以嗰啲咩QQQ，VOO得幾百隻股票根本就唔夠，要買就VT / (VTI + VXUS)，有成千上萬隻股票。（詳情請睇 指數化投資 ）
集中一個 sector嘅etf例如SMH, QQQ都係垃圾，一嚟唔夠分散，二嚟改變世界嘅創新科技通常反而係爛股票嚟（計長揸嘅話）。記住買股票唔係買啲係人都知有前景嘅嘢，咁樣個股價已經priced in咗，係要買啲大家都以為冇前景嘅嘢（當然實際係好難揀，所以先要買ETF）。
我都信tech/AI係未來，但唔通其他人唔知？要繼續升就要一直打破大家嘅期望，例如幾年內岀個skynet, 當年科網股泡沫咪又係話Internet係世界未來，而事實上都冇講錯，但個股價呢？有好多研究發現通常呢類新經濟股波動更大，但喺融入成為舊經濟一部分之前唔見得賺得更多。例子有一百幾年前嘅鐵路股，廿幾年前嘅科網股，幾年前嘅大麻股。
而事實你做更加長嘅back test就會發現QQQ呢類大型成長股其實略遜大市，原因可能係priced in咗未來預期增長。喺做完更長嘅back Test之後你會發現其實小型價值股長遠表現更好，呢點亦符合風險同回報嘅理論預測。
QQQ未來表現會唔會keep住咁好就冇人知，但不確定性太大，喺理論層面亦都唔支持佢嘅長遠表現，所以就唔建議買。
To be fair而家啲big tech大部份都未去到當年科網股泡沫咁誇張，所以我個人覺得可以升到好多年再爆都唔出奇。