一定要有足夠三至六個月生活費應急資金。通常啲人都係攞應急基金去買超短期（例如三個月）美債。

找卡數，儲應急資金，醫保都應該要係你personal finance嘅頭幾步，搞掂呢啲之後先好掂股票。

上得連登嘅都仲有二三十年先退休，長揸之所以有用係因為後期可以錢滾錢，你股災一淆拎咗啲錢岀嚟就前功盡廢，後生未經歷過股災嘅一定係高估自己嘅 risk tolerance，你寧願理論上賺少啲錢都要夜晚瞓覺安落，揸唔到後期錢滾錢就咩都唔輪到你賺。

你幾年前扑中TSLA今年扑中NVDA都只係你好彩唔係你有料，你咁有信心咁有料嘅點解唔借盡margin long call下隻股王，唔敢嘅就即係你自己都知自己只係賭緊，不如襯贏咗啲錢盡早遠離賭場去做 index fund廢老算。

新手永遠都係輸風險管理同心理管理，買少少債，儲好緊急開支，股災就 set recurrent investment 然後 del app。你啲friend NVDA賺幾十萬都唔使理，賭大細賺錢冇咩咁勁，長線贏嗰個一定係你。

最後就係睇下書，投資書又好咩都好，live a good life，少啲上嚟財經台睇人鳩up就得。