除非你擔心嘅風險係全球核戰或者隕石撞地球，如果唔係黃金拖低回報太多，因為佢只係屬於 store of value唔會天生就會有增值，唔似得股同債屬於Income Generating Asset。同埋如果真係發生要用到黃金嘅情況，你啲黃金ETF都應該唔係幾拎到出嚟。
抗通漲效果唔係特別好，抗股災又冇債好，黃金做到嘅嘢債全部都做得更好仲要有回報。
的確黃金係有分散作用，但你會當佢係分散品而唔係投資，兼且隨住股災同通漲佢嘅價格改變都唔係咁straight forward, 下面篇文比我講得更好
https://www.bankeronwheels.com/role-of-gold-in-a-long-term-portfolio/
Bitcoin同黃金一樣冇天生增值嘅能力，仲要同股市走勢一樣冇埋避險功能，所有回報都係speculative return嚟，只係新屎坑咪自然好多錢流入，總有一日會飽和，你見其實Bitcoin回報比起好早期嗰陣已經低咗好多。
咁賺錢就一定唔得，但拎嚟做diversifier都好雞肋，你見尤其20年4月之後其實bitcoin嘅 correlation同大市明顯變高，兼且22年熊市嗰陣 correlation更高。
我個人見解就係bitcoin只係20年科技股牛市多咗散戶入市，咁呢堆會炒科技股嘅散戶自然都會炒Bitcoin咪推高個價，到22年科技股散水咪帶動埋bitcoin收皮，所以咁樣諗嘅話bitcoin係冇避險作用，兼且正常人避險都應該係去黃金或者國債。